തോറബോറയെന്ന സാമ്രാജ്യത്തിലെ നിയമങ്ങളാണിത്‌ (12 സഹപ്രവര്‍ത്തകരുടെ വലിയൊരു കിടപ്പുമുറി)
1. ചീഫ്‌ കമാന്‍ഡറുടെ അനുമതി കൂടാതെ തോറബോറയില്‍ പ്രവേശിക്കുകയോ സാധനങ്ങള്‍ എടുക്കുവാനോ പാടില്ല.(നിര്‍ദേശം പലപ്പോഴും കൊടുത്തിട്ടുണ്ടെങ്കിലും പാലിക്കപ്പെടാറില്ല, ഫൈനല്‍ മുന്നറിയിപ്പാണിത്‌.)
2. പോരാളികള്‍ ഉറങ്ങുന്ന സമയത്ത്‌ കയറാമെന്നു വിചാരിക്കുന്നുവെങ്കില്‍ അതപകടമാണ്‌
എന്ന്‌ തിരിച്ചറിയുക.(വീണ്ടും മുന്നറിയിപ്പു തന്നെ)
3. പരിമിതപ്പെടുത്തിയിരിക്കുന്ന അംഗസംഖ്യ യുദ്ധതന്ത്രങ്ങളുടെ ഭാഗമെന്നു മാത്രം മനസ്സിലാക്കുക.
4. വെള്ളം കണ്ടിട്ട്‌ മാസങ്ങളോളമായ മുണ്ട്‌, മറ്റ്‌ വസ്‌ത്രങ്ങള്‍ എന്നിവ സ്‌പര്‍ശിക്കുന്നതോ ശ്വസിക്കുന്നതോ നിങ്ങളുടെ ജീവന്‍ തന്നെ അപകടത്തിലാക്കിയേക്കാം.(തനിയെ തുണി കഴുകുക എന്നത്‌ വല്ലാത്ത മടിപിടിച്ച ഏര്‍പ്പാടാണ്‌)
5. അത്യപൂര്‍വമായ "കെണി" ഒരുക്കിവച്ചിരിക്കുന്നത്‌ അനുമതി കൂടാതെ പ്രവേശിക്കുന്നവര്‍ക്കുള്ള ശിക്ഷയാണ്‌.(ഉറക്കത്തിനിടയില്‍ തുണി ഉണ്ടോ ഇല്ലെയോ എന്ന്‌ എങ്ങനെയറിയാനാണ്‌)
6. കുപ്പികളില്‍ സൂക്ഷിച്ചിരിക്കുന്ന വിഷദ്രാവകങ്ങള്‍, പെട്ടികളിലോ പുറത്തോ വച്ചിരിക്കുന്ന സോപ്പ്‌ബോംബ്‌, പേസ്‌റ്റ്‌ ബോംബ്‌ തുടങ്ങിയവ തെറ്റിദ്ധരിച്ച്‌ എടുക്കാതിരിക്കുക.(എങ്ങിനെയെങ്കിലും ജീവിച്ചു പൊയ്‌ക്കോട്ടെ)
7. പോരാളികളുടെ എ.ടി.എം കാര്‍ഡുകള്‍, പേഴ്‌സുകള്‍, മൊബൈലുകള്‍ തുടങ്ങി വിലപിടിപ്പുള്ള വസ്‌തുക്കള്‍ കവരാമെന്നു തോന്നുന്നുവെങ്കില്‍ അതബദ്ധമാണെന്നു താമസിയാതെ നിങ്ങള്‍ക്കു മനസ്സിലാവും.(ബാലന്‍സുണ്ടാവില്ല എന്നു സാരം)
8. ഭക്ഷണസാധനങ്ങള്‍ മുന്‍കരുതലിനു ശേഖരിച്ചുവച്ചിരിക്കുന്നതാണ്‌. അത്‌ കട്ടുതിന്നാന്‍ ശ്രമിക്കരുത്‌. (പോരാളികള്‍ ആണെങ്കില്‍ കൂടി).(നാട്ടില്‍ നിന്നു സഹപോരാളികള്‍ കൊണ്ടുവരുന്ന സാധനങ്ങള്‍ എല്ലാവര്‍ക്കും കൊടുക്കണ്ടേ? അതോണ്ടാ കേട്ടോ? )
9. നിറം, സൗന്ദര്യം തുടങ്ങിയ കാര്യങ്ങളില്‍ പോരാളികള്‍ സന്തുഷ്ടരാണ്‌. അതിനു ഭംഗം വരുത്താന്‍ ശ്രമിച്ചാല്‍ ചീഫ്‌ കമാന്‍ഡര്‍ പ്രത്യേകയോഗം കൂടി ശിക്ഷവിധിക്കുന്നതായിരിക്കും.(കറുപ്പിനേഴഴകെന്നു സമാധാനിച്ചിരിക്കുകയോ ഓരോരുത്തരും. അതിനിടിയില്‍ വര്‍ണവിവേചനം കുത്തിവയ്‌ക്കാന്‍ ആരെങ്കിലും ശ്രമിച്ചാല്‍ വെറുതെ വിടില്ല)
10. തോറബോറയുടെ നാലുചുവരുകള്‍ക്കുള്ളില്‍ മാത്രം ഒതുങ്ങുന്നതാണ്‌ അതിന്റെ രഹസ്യങ്ങള്‍. രഹസ്യസ്വഭാവമുള്ള തീരുമാനങ്ങള്‍, സംഘടനാസെറ്റപ്പ്‌ തുടങ്ങിയ കാര്യങ്ങള്‍ പരസ്യപ്പെടുത്തിയാല്‍ നിങ്ങളുടെ സ്ഥാനം ആ നിമിഷംമുതല്‍ തോറബോറയുടെ പുറത്തായിരിക്കും.(പോരാളിയാണെങ്കില്‍ വിചാരണ കൂടാതെ അംഗത്വം റദ്ദാക്കും).(മാസത്തിലൊരു ശുദ്ധികലശമെങ്കിലും(ക്ലീനിങ്‌) വേണ്ടേ? അലങ്കോലമായ റൂമിനെ കുറിച്ച്‌ പുറത്താരോടും പറയരുതെന്ന്‌ വ്യംഗ്യം)
റഫീഖ് എം ടി പി. തോറബോറയുടെ ചീഫ്‌ കമാന്‍ഡര്‍, കാസര്കോട് തൃക്കരിപ്പൂര് സ്വദേശി, വിവാഹിതന്. പ്രായത്തില് സീനിയറായതുകൊണ്ടു തന്നെ തോറബോറയുടെ തലപ്പത്തെത്തി. ഗള്ഫ് ജീവിതത്തിന്റെ അനുഭവജ്ഞാനവും പക്വതയും.ആളല്പ്പം വെളുമ്പനായതു കൊണ്ടു ഇറാനിയന് എന്നു വിളിക്കും.
നിസാമുദ്ദീന് 5 അടി 3 ഇഞ്ച്. അത്ര ചെറുതല്ലെങ്കിലും വലിയ പോരാളികളുടെ ഇടയില് കരടായേ തോന്നു.(അങ്ങനെയേ അംഗീകരിച്ചിട്ടുള്ളൂ. വലിപ്പത്തില് കുരുടാണെങ്കിലും ശബ്ദത്തിന്റെ ബാസ്സുകൊണ്ട് വലിയൊരു ഡ്രം തന്നെയാണ്. പിന്നെ മനോഹരമായി പാട്ടുപാടും എന്നത്‌ പറയാതിരിക്കാനാവാത്ത സത്യവും. ഇടുക്കി തൂക്കുപാലം പുഷ്പക്കണ്ടമെന്ന ആനാകേറാമല സ്വദേശി. പറയേണ്ടതില്ലല്ലോ..ബാച്ച്ലറാണ്.
ഇതു തങ്ങള്. തെറ്റിദ്ധരിക്കരുത് 'തങ്ങള്' വിളിപ്പേരു മാത്രമാണ്.യഥാര്ഥ പേര്‌ റാഷിദ്. (കപടസ്വാമിമാരും സ്വാമിനിമാരും കുടുങ്ങിക്കൊണ്ടിരിക്കുന്ന ഈ സമയത്ത്‌ തോറബോറയിലെ പോരാളിയെ എന്തിനു കുരുതി കൊടുക്കണം) തള്ളേ, പിള്ളേയുടെ നാട്ടുകാരന്. പരമസാധു. ഭക്ഷണത്തോടു വിരക്തിയാണ്. (കുറച്ചുമാത്രമേ കഴിക്കൂ. പക്ഷേ ഒരു മണിക്കൂര് കൂടുമ്പോള് എന്തെങ്കിലുമൊക്കെ കഴിക്കണം) ശരീരപ്രകൃതമാണു കഷ്ടം. കഴിക്കുന്നതൊക്കെ എവിടെ പോവുന്നു എന്ന ന്യായമായ സംശയത്തെ പോരാളികള്‍ മനപൂര്വം ഉപേക്ഷിക്കുകയാണ്. പറയേണ്ട കാര്യമില്ലല്ലോ...ബാച്ചിലറാണ്.
ഷമീര്. മഴതൂറ്റൂന്ന(ക്ഷമിക്കണം അവനങ്ങനെയേ പറയൂ) നാട്ടില്‍ നിന്നാണ് ഈ പോരാളിയുടെ വരവ്. കലപിലാന്നു സംസാരിക്കും. വളരെ പെട്ടെന്നു സെന്റിയാവും. തോറബോറ സിന്ദാാാാാാാാാാബാാാാാാാാാാാാദ് എന്ന നീട്ടിപരത്തിയുള്ള തിരോന്തോരം മുദ്രാവാക്യം വിളി പോരാളികള്ക്ക് പഠിപ്പിച്ചുകൊടുത്ത ക്രെഡിറ്റ് ഈ തെക്കന് പോരാളിക്കു സ്വന്തമാണ്. കഴുത്തിനു ചുറ്റും നാക്കും പാന്റ്സിനു ചുറ്റും വള്ളിയും ഈ പോരാളിയുടെ ഐഡന്റിറ്റിയാണ്. പ്രവാസി പോരാളികളുടെ കൂട്ടത്തില് തന്നെയാണ് ഈ ബാച്ച്ലറിന്റെയും സ്ഥാനം.
അറഫാത്ത് ആനമെലിഞ്ഞാല് തൊഴുത്തില് കെട്ടാം എന്ന മറ്റൊരു പഴമൊഴിയുടെ ജീവിക്കുന്ന സാക്ഷ്യം. മൂക്കുമുട്ടെ തിന്നുമദിച്ചു നടക്കുന്ന സമയത്ത്‌ അപ്രതീക്ഷിതമായി പാലക്കാട്ടേക്കു കിട്ടിയ ട്രാന്സ്ഫര് ആളെ അടിമുടി മാറ്റി. പോയി ഒരുമാസത്തിനു ശേഷം യുദ്ധക്കളത്തിലെത്തിയ(ഓഫിസ്) ഈ മെലിഞ്ഞ പോരാളിയെ സ്വയം പരിചയപ്പെടുത്താതെ ആരും തിരിച്ചറിഞ്ഞില്ലെന്നു പറഞ്ഞാല് അത്‌ നിങ്ങള്ക്ക് ഊഹിക്കാവുന്നതാണ്. ഈ ആകാരവടിവേ ഉള്ളൂ. ശുദ്ധനാണ്(അറിഞ്ഞിടത്തോളം). വയനാടിന്റെ സ്വന്തം സന്തതി. ബാച്ച്ലറാണ്.
ഹാഷിം. ആലുവ സ്വദേശി, ബാച്ച്ലര്, കുടക്കമ്പിയെ അനുസ്മരിക്കുന്ന ശരീരപ്രകൃതി.അരമുക്കാല് വക്കീലാണ്(കോഴ്സ് കഴിഞ്ഞു, ഒന്നുരണ്ടു പേപ്പറുകള് കൂടി കിട്ടാനുണ്ട്).തോറബോറയുടെ നിയമോപദേഷ്ടാവ്. തല്ലൂകൂടാന് പോവാണെന്നു പറയുമ്പോഴും ശരീരം ആടിയുലയും. നിന്നെക്കൊണ്ടിതനാവുമോ എന്നാവും നമുക്കുചോദിക്കാന് തോന്നുക.
.jpg)
സൈനുല് ആബിദ്. മലപ്പുറം സ്വദേശി, ഫുള്ടൈം ഇന്സൈഡ്, ചുള്ളന്, ബുള്ഗാന്(താടി അത്രയേയുള്ളു). എം.ബി.എ മോഹം പ്രേതബാധ പോലെ. ബോറടിപ്പിക്കുമ്പോഴും കേട്ടിരിക്കും താല്പ്പര്യ(ഇല്ലെങ്കിലും)ത്തോടെ . ബാച്ച്ലര്.
സുധീര് മാന്യപ്രേക്ഷകര്ക്ക് തോറബോറയിലേക്കു സ്വാഗതം. കണ്ണാടിയിലെ ഗോപകുമാറിന്റെ സ്വരത്തില് നിങ്ങളെ അഭിസംബോധന ചെയ്യുന്നത് മറ്റാരുമല്ല തോറബോറയുടെ പ്രവാസിശബ്ദാനുകരണ പോരാളി . ഇതു കേള്ക്കുമ്പോള് സുധീറിനെന്താ കൊമ്പുണ്ടോ എന്ന ചോദ്യമാവും നിങ്ങള്‍ക്കു തോന്നുക...എന്നാല് അതല്ല അതിനുമപ്പുറവുമാണ്. പഞ്ചാര എന്ന സാക്ഷാല് പഞ്ചസാരയുടെ പര്യായം മാത്രമാണീ പ്രവാസി. പത്തനംതിട്ട സ്വദേശി. ബാച്ച്ലര്
ഷിഹാബ് പിലാത്തറ. കണ്ണൂര് പിലാത്തറ സ്വദേശി, ശുദ്ധന്, ഉദാരമനസ്കന്(അതേക്കുറിച്ചറിയണമെങ്കില് ഒരു സംഭവം പറയാം. ആളുടെ ജ്യേഷ്ടന് ഗള്ഫില് നിന്നെത്തിയപ്പോള് സമ്മാനിച്ച തുണികളൊക്കെ വീട്ടില് നിന്നു പൊതിഞ്ഞ് തോറബോറയിലെത്തി. പെട്ടിപൊട്ടിക്കേണ്ട താമസം ഇരയുടെ മേല് വേട്ടമൃഗം ചാടിവീഴുന്ന പോലെ ഷര്ട്ട്, സോപ്പ്, ജോഗിങ് ഡ്രസ്സുകള്, വാച്ച്, തൊപ്പി.......എല്ലാം ആണ്പിള്ളേര് അടിച്ചുമാറ്റി. ഇഷ്ടന് ലഭിച്ചത് ആര്ക്കും പാകമാവാത്ത ചിലതു മാത്രം). ആകക്കൂടി ചാര്ളിചാപ്ലിന് പരിവേഷം, അഴിച്ചിട്ട ഫുള്സ്ലീവ് ഷര്ട്ട്, നീളംകൂടിയ പാന്റുകള്...ഇടയ്ക്കിടയ്ക്ക് ആരെയും വടിയാക്കുന്ന തമാശകള്, ബാച്ച്ലര്.
ആഷിഫ്. മലപ്പുറം താനൂര് സ്വദേശി, ബാച്ച്ലര്.രസികന്. താനൂരിന്റെ വീരകഥ പറയാന് ജീവിതത്തില് ഏറിയപങ്കും ചെലവഴിക്കും. വാചാലന് എന്തിനെക്കുറിച്ചും.സംസാരിക്കുമ്പോള് കൈ കാല് മുതലായവയുടെ അമിത ആംഗ്യങ്ങള്. മൊബൈല്ഫോണില് സംസാരിച്ച കഥപറഞ്ഞാല് കൈ ചെവിയിലായിരിക്കും(സാങ്കല്പ്പിക മൊബൈല്)സംസാരം മുറിഞ്ഞുപോയോലോ എന്നാശങ്ക തന്നെ കാരണം.
റഷീദ് ഖാസിമി. ഇടുക്കി നെടുങ്കണ്ടം സ്വദേശി, ബാച്ച്ലര്, പലപ്പോഴും ഞങ്ങളുടെ ക്രൂരതമാശകള്ക്ക് ഇരയാവുന്ന ദുര്ബലഹൃദയന്. പലരോടും ഞങ്ങളുടെ തമാശകളെകുറിച്ച് ആവലാതി പറഞ്ഞുകളയും ഈ വിദ്വാന്. ഉടന് വിവാഹം കഴിച്ചേക്കാം എന്ന മനസ്ഥിതി തുറന്നു പറയുകയും ചെയ്യും. എന്നാല് ഞങ്ങളുടെ സ്നേഹവായ്പ്പുകള് ആസ്വദിക്കുകയും ചെയ്യുന്നു.
മജീദ്. (മലപ്പുറം എടയൂര്റോഡ് സ്വദേശി, മൊബൈല്ജോക്കി എന്ന വിളിപ്പേരിനുടമ, ബാച്ച്ലര്. (മണിക്കൂറുകള് നീളുന്ന മൊബൈല്ഫോണ് സംസാരത്തിലൂടെ വീണ വിളിപ്പേര്. ഇഷ്ടപ്പെട്ടില്ലെങ്കില് കൂടി പുഞ്ചിരിക്കും അല്ലാതെ രക്ഷയില്ല.തോറബോറയില്‍ നിയമം ഒന്നേയുള്ളു. അതനുസരിക്കുക മാത്രമാണ് നിര്വാഹം)
സലാം പല്ലാരിമംഗലം. (കോതമംഗലം പല്ലാരിമംഗലം സ്വദേശി)തോറബോറയില്‍ പോരാളികളുടെ ഉറക്കം കെടുത്തുന്ന വാചകവീരന്, ശബ്ദഗാംഭീര്യം കൊണ്ടും ശരീരം കൊണ്ടും ആജാനുബാഹു. ഭക്ഷണത്തിനോട് അമിതതാല്പ്പര്യം. ട്രെയിന് യാത്രയില് പച്ചവെള്ളം കണ്ടാല്ക്കൂടി ആവശ്യമില്ലെങ്കിലും വാങ്ങാന്തോന്നുമെന്ന് കുറ്റസമ്മതം, ബാച്ച്ലര്.
സക്കീര്. മലപ്പുറം എടയൂര് സ്വദേശി, ബാച്ച്ലര്. ഇരട്ടകുട്ടികളിലൊന്ന്. ചെറുപ്പത്തില് കുരുത്തകേടുകള് കാട്ടി മത്തോനാണ്(മറ്റവന്) എന്നു പറഞ്ഞു രക്ഷപ്പെട്ടിരുന്നതിനാല് മത്തോന് എന്നാണറിയപ്പെടുന്നത്. പൊക്കം ആറടി മുട്ടുന്നതിനാല് ടവര് എന്നും വിളിക്കും. തോറബോറയിലെ അതിഥിയെന്നു പറയാം.
നിഷാദ്. ഇടുക്കി കട്ടപ്പനസ്വദേശി. ബാച്ച്ലര്. പരിചയപ്പെട്ടപ്പോള് കവിതയെഴുതും എന്നുപറഞ്ഞുപോയി. അതുകൊണ്ടുതന്നെ കളിയാക്കലുകള്ക്ക് ഇരയാവുന്നു. തൊലിക്കട്ടിയില് പിടിച്ചുനില്ക്കുന്നു. മറ്റുള്ളവരുടെ കുറ്റങ്ങള് കണ്ടെത്തുന്നതും കളിയാക്കുന്നതും വീക്ക്നെസ്സാണ്.(അതു പരസ്യമായ രഹസ്യം).
3 comments:
ഞങ്ങളുടെ കിടപ്പുമുറിയാണീ തോറബോറ. ആരോ ഒരളിട്ട പേര്‌.ഓഫിസില്‍ തോറബോറ പ്രശസ്‌തി നേടിയപ്പോള്‍ അതങ്ങിനെയൊരു ബ്ലോഗാക്കാമെന്നു കരുതി.
നല്ല നിയമങ്ങള്‍ ഒരു ബാച്ചിലര്‍ ലൈഫില്‍ ഇതില്‍കൂടതല്‍ ആരും ഈ മുറിയില്‍ നിന്നു പത്രീക്ഷിക്കില്ല...പണ്ട് കോളേജ് ഹോസ്റ്റലില് ഞങ്ങളുടേ റുമായിരിനു കോമണ്‍ റും താമസിക്കുന്നത് ഞാനും കൂട്ടാര്‍ സ്വ്ദേശി നിബുവും കൂടി ആണെങ്കിലും രാവിലെ മുതല്‍ രാത്രി ഒരുമണിവരെ എങ്കിലും റുമില്‍ തിരക്കാണ്.ചീട്ടുകളിക്കാനും,ദിനേശ് ബീഡി തപ്പാനുമായി വരുന്നവര്‍..ഞങ്ങള്‍ക്കും ഒരു നിയമമുണ്ടായിരുന്നു റുമില്‍ തെറിവിളിക്കാന്‍ പാടില്ല തെറി വിളിക്കുന്നവര്‍ ഫൈന്‍ കൊടുക്കണം ..തെറിയുടെ കാഠിന്യം കൂടുന്നതനുസരിച്ച് ഫൈനും കൂടും മാസവസാനം ഉള്ള ഞായറാഴച എല്ലാഫൈനും പിരിച്ചെടുത്ത് വെള്ളമടി ..ആ ദിവസം ആണ്‍ തെറിയുടെ പൂരം..:(..കുറെ പൈസ പൊയി ആ വഴിക്കെങ്കിലും ഇപ്പോള്‍മറ്റുള്ളവരെ ചീത്ത വിളിക്കാന്‍ നാവുപൊങ്ങുമ്പോല്‍ ഫൈന്‍ വന്നലൊ എന്നോര്‍ത്ത് അതു മനസ്സില്‍ തന്നെ പറയുന്നു..സ്പ്ന്ദനം .ഇനിയും ഓര്‍മകളും സ്വനങ്ങളും പകര്‍ത്തു..ആശംസകള്‍..
കട്ടപ്പനക്കാരാ..അടിമാലിക്കാരന്‍ ആണ്‍ ഞാന്‍..
കാണാമറയത്തുള്ള അടിമാലിക്കാരാ....ഇവിടെ വന്നതിനും കമന്റിയതിലും സന്തോഷം. അങ്ങനെ നിങ്ങളുടെ ഹോസ്‌റ്റല്‍ ജീവിതം ഓര്‍ക്കാന്‍ ഞാനിടവരുത്തിയെന്നറിയിച്ചതിന്‌ നന്ദി....വീണ്ടും വരിക
Post a Comment